મોરલા હો ! મુંને થોડી ઘડી… – રવિન્દ્રનાથ ટાગોર (અનુ. ઝવેરચંદ મેઘાણી)
રવિન્દ્રનાથ ટાગોર (અનુ. ઝવેરચંદ મેઘાણી)
સ્વર : શ્યામલ – સૌમિલ – આરતી મુન્શી
સંગીત : શ્યામલ – સૌમિલ મુન્શી
મોરલા હો ! મુંને થોડી ઘડી તારો આપ અષાઢીલો કંઠ : ખોવાયેલી વાદળીને હું છેલ્લી વાર સાદ પાડી લઉં.
ઇંન્દ્રધનુષ ! તારા રંગ-ધોધોમાંથી એક માગું લીલું બુન્દ : સાંભરતાંને આંકવા કાજે પીંછી મારી બોળવા દેજે !
મેઘમાલા ! તારા લાખ તારોમાંથી ખેંચવા દે એક તાર : બેસાડીને સૂર બાકીના પાછી સોંપી દૈશ હું વીણા.
ઘોર સિંધુ ! તારા વીંજણાનું નાનું આપજે એક કલ્લોક : હૈયું એક નીંદવિહોણું – ભાલે એને વાયરો ઢોળું.
રાતરાણી ! તારા ઝાકઝમાળાનું મારે નથી કાંઇ કામ : ગાઢ અંધકાર – પછેડા ઓઢાડી દે ઊંઘની વેળા.